ٹک ٹاک نے پاکستانی صارفین کی ڈیڑھ کروڑ (15 ملین) سے زائد ویڈیوز ڈیلیٹ کردیں ہیں۔
ٹک ٹاک نے سنہ 2022ء کی دوسری سہ ماہی (اپریل -جون،2022)کے لیے اپنی نئی کمیونٹی گائیڈ لائنز انفورسمنٹ رپورٹ جاری کردی ہے۔
یہ رپورٹ پلیٹ فارم کے ایک جوابدہ ادارہ ہونے کی حیثیت سے جاری کی گئی ہے جس میں اعتماد کے حصول، اور اسی کے ساتھ محفوظ اور خوش آئند پلیٹ فارم ہونے کے عزم کا اظہار کیا ہے۔
حالیہ رپورٹ غلط معلومات کے پھیلاؤ کو روکنے کی کوششوں میں بہتری اور سرمایہ کاری کی صورت میں ڈیجیٹل خواندگی کی کوششوں کو ظاہر کرتی ہے تاکہ اس مسئلے پر زیادہ سے زیادہ آگے نکلنے میں مدد مل سکے۔
اس کے علاوہ ٹک ٹاک غلط معلومات کے پھیلاؤ کو روکنے اور تحفظ یقینی بنانے کے لیے اپنے عزم کو دہراتے ہوئے ایک نیا پنالٹی سسٹم متعارف کروا رہا ہے، جس کے تحت پلیٹ فارم کی کسی بھی گائیڈ لائنز کی خلاف ورزی کرنے والے کا اکاؤنٹ بند کر دیا جائے گا۔
پلیٹ فارم ایسی بندشوں کا حساب رکھے گا اور کوئی شخص اگر خلاف ورزی کرنے والا کنٹنٹ پوسٹ کرتا رہے گا تو ایسی صورت میں اُس پر مستقل پابندی عائد کر دی جائے گی۔
کمیونٹی گائیڈ لائنز کی خلاف ورزی کرنے پر اکاؤنٹس بند کرنے کے علاوہ، پلیٹ فارم نے spam کا باعث ثابت ہونے پر اکاؤنٹس بھی بند کر دئیے اور اُسی کے ساتھ اُن اکاؤنٹس سے پوسٹ کیں گئیں ویڈیوز بھی حذف کر دیں گئیں، اِس نے خودکار طریقے سےspam اکاونٹس کو بننے سے روکنے کے لیے بھی فعال اقدامات کیے۔
گزشتہ آخری سہ ماہی سے اب تک ٹک ٹاک نے غلط معلوما ت کے 33 نئے دعوؤں کا سراغ لگالیا۔
سنہ 2022ء کی دوسری سہ ماہی میں، عالمی سطح پر 113,809,300 ویڈیوز حذف کیں گئیں جو ٹک ٹاک پر اَپ لوڈ کیں گئیں۔
یہ سب ویڈیوز کا صرف ایک فیصد ہے، اور تقریباً 97 فیصد ویڈیوز اپ لوڈ کیے جانے کے 24 گھنٹوں کے اند ر ہی حذف کر دیں گئیں جبکہ 98 فیصد ویڈیوز کسی ٹک ٹاک استعمال کرنے والے کی جانب سے شکایت کرنے سے پہلے اور 97 فیصد کسی بھی شخص کے دیکھنے سے قبل حذف کیں گئیں۔
دوسری سہ ماہی میں ایڈورٹائزنگ کی پالیسیوں اور گائیڈ لائنز کی خلاف ورزی کرنے پر حذف کیے گئے اشتہارات کی مجموعی تعداد میں کمی ہوئی ہے۔
ایسا اکاؤنٹ کی سطح پرانکشاف اور حکمت عملی کے نفاذ کی کوششوں کو مضبوط بنانے سے ہوا ہے جس نے اشتہارات کے ایکوسسٹم کو بہتر بنانے میں مدد کی ہے اور استعمال کرنے والوں اور مشتہرین دونوں کے تجربے کو بہتر بنایا ہے۔
