پنجاب حکومت کے ترجمان فیاض الحسن چوہان نے کہا ہے کہ بیگم صفدر اپنے مفرور باپ کو پاکستان ساتھ لیکر آئے۔
ترجمان وزیر اعلیٰ پنجاب فیاض الحسن چوہان نے مریم نواز کی لندن روانگی پر رد عمل دیتے ہوئے کہا کہ بیگم صفدر کے مصنوعی ناخن تو پاکستان میں بھی لگ سکتے تھے۔
‘بیگم صفدر کی سیاست اور ماڈلنگ ساتھ ساتھ چل رہی ہے’
انہوں نے کہا کہ لندن جانا اس لئے ضروری ہوا کہ مصنوعی جلد میں لندن کے ڈاکٹروں کا ثانی نہیں، بیگم صفدر جتنی توجہ اپنی جلد کو دیتی ہے اتنی عوام کو دی ہوتی تو عوام کے حالات مختلف ہوتے۔
فیاض الحسن نے کہا کہ بیگم صفدر کی سیاست اور ماڈلنگ ساتھ ساتھ چل رہی ہے، “ڈبل ایکشن برائٹ” مہم کے نتائج عوام کو جلد موصول ہونا شروع ہو جائیں گے۔
‘جیسے جیسے لانگ مارچ کا انقلاب قریب آرہا ہے یہ لندن جاکر چھپ رہےہیں’
ترجمان کا کہنا ہے کہ بیگم صفدر کو چاہیے کہ پائے کھلانے کے بہانے مفرور باپ کو ساتھ لے کر آئے، جیسے جیسے لانگ مارچ کا انقلاب قریب آ رہا یہ لندن کی بلوں میں جا کر چھپ رہے ہیں۔
فیاض الحسن چوہان نے مزید کہا کہ “ڈبل ایکشن برائٹ” جہاں مرضی چھپ جائے عوام کی آنکھ اسے ڈھونڈ لے گی۔
مریم نواز لندن کے لئے روانہ ہوگئیں
پاکستان مسلم لیگ ن کی نائب صدر مریم نواز پاسپورٹ واپس ملنے پر لندن کے لئے روانہ ہوگئی ہیں ۔
تفصیلات کے مطابق مریم نواز آج صبح جاتی امراء سے لاہور ایئرپورٹ روانہ ہوئی ہیں جہاں انہوں نے لندن جانے کے لئے ٹکٹ بک کروائی۔
مریم نواز اپنی رہائش گاہ جاتی امراء سے لاہور ایئرپورٹ کے لیے روانہ ہوئیں اور ان کا طیارہ صبح 9 بج کر 45 منٹ پر لاہور کے علامہ اقبال انٹرنیشنل ایئرپورٹ سے روانہ ہوا۔
یہ قطر ایئرویز کی پرواز QR-629 پر دوحہ کے راستے لندن کے لیے بک کیا گیا تھا۔
اس موقع پر مریم نواز کا عملہ بھی ان کے ہمراہ تھا۔
مریم نواز نجی ایئرلائن کے ذریعے آج لندن روانہ ہوں گئی ہیں جہاں وہ ایک ماہ قیام کرینگی اور 6 نومبر کو پاکستان واپس آئیں گی۔
لاہور ایئرپورٹ پر میڈیا سے غیر رسمی گفتگو کرتے ہوئے مریم نواز نے کہا کہ مجھ سے انتظار نہیں ہورہا تھا کہ کب لندن جاؤں، میں اپنے والد سے تین سال سے نہیں ملی ہوں۔
دوسری جانب کپٹن (ر) صفدر نے لاہور ایئرپورٹ پر گفتگو کرتے ہوئے کہا کہ مریم نواز تین سال بعد لندن جا رہی ہیں ، وہ اپنی والدہ مرحومہ کے انتقال کے بعد پہلی بار بھائیوں کو ملے گی لیکن میں لندن ابھی نہیں جا رہا مجھ پر چھبیس مقدمات ہے، اپنے اوپر تمام مقدمات کا سامنا کرونگا ۔
انہوں نے کہا کہ ریاست پاکستان کے لئے ظلم کو برداشت کیا ہے، مسلم لیگ پر حکومت کی ذمہ داری آئی ہیں اور کوشش ہے احسن طریقے سے نبھائے گے ۔
انہوں نے مزید کہا کہ اسحاق ڈار کے آنے سے معیشت میں بہتری آئے گی۔
کپٹن (ر) صفدر نے کہا کہ دوہزار سترہ میں پارلیمنٹ میں کہا تھا اگر دوہزار اٹھارہ کا الیکشن چوری ہوا تو ڈالر دو سو روپےسےاوپرجائےگا۔
