سردیوں کی آمد آمد ہے یہ موسم اپنے ساتھ کئی سوغاتیں لے کر آتا ہے ان میں سب سے خاص اس موسم کے پھل ہیں جو اپنے ذائقہ میں کھٹے میٹھے ہونے ساتھ بے حد رسیلے ہوتے ہیں اورساتھ ہی اس موسم میں ہونے والی بیماریوں سے تحفظ فراہم کرتے ہیں ان میں کینو، مالٹا، فروٹو اور مٹھے شامل ہیں۔
مٹھا ان پھلوں سے قدرے مختلف ہے کیونکہ ایک تو یہ نارنگی کا طرح نہ تو باہر سے نارنگی رنگ لیے ہوئے ہوتا ہے اور نہ ہی اندر سے۔
باہر سے سبز جبکہ اندرسے لیموں کی طرح نظر آنے والا یہ پھل اپنے ںدر صحت بخش اجزاء کے ساتھ کئی بیماریوں کے لیے شفارکھتا ہے۔ جہاں تک اس کے ذائقے کی بات ہے تووہ میٹھا ہوتا ہے البتہ کبھی کبھار اس کا ذائقہ قدرے کڑوا معلوم ہو تا ہے ۔ یہ مختلف بیماریوں سے لڑنے کی حیرت انگیز صلاحیت رکھتا ہے ۔ اس میں کیلشیم ،کاپر، آئرن، فاسفورس اور پوٹاشییم کی وافر مقدار پائے جاتے ہیں جبکہ وٹامن سی اس کا بنیادی جز ہے ۔ یہ حیرت انگیز پھل جسم میں پانی کی کمی نہیں ہو نے دیتا ، اس کا رس وزن کم کرنے کے لئے بہترین تصور کیا جاتا ہے ۔ جانتے ہیں کہ یہ کس طرح آپ کو مختلف بیماریوں سے تحفظ دے کر آپ کی صحت بحال رکھتا ہے ۔
بخار کے لیے مؤثر
بخارمیں اس کا استعمال کسی مسیحا سے کم نہیں۔اس میں بخار سے لڑنے والا جز قوئینن پایا جاتاہے جو ان تمام ادویات میں موجود ہوتاہے جو بخار کی صورت میں ڈاکٹر تجویز کرتے ہیں ۔ اس لئے بخار کی صورت میں اس کا استعمال بخار کی شدت کو کم کرنے میں اہم کردار ادا کرتا ہے۔
یرقان میں بے حد مفید
مٹھا جگر کے افعام کو بہتر کر نے میں معاون ثابت ہوتا ہے اور یرقان کا تعلق جگر کے امراض سے ہے یہی وجہ اکثر ڈاکٹر حضرات یرقان میں مٹھے کھانے کا مشورہ دیتے ہیں اگر آپ اس بیماری میں مبتلا ہیں تو اپنے معالج کے مشورے سے اسے استعمال کر سکتے ہیں ۔ یہ تاثیر میں ٹھنڈا ہے تو ایسے افراد جنہیں جگر کی گرمی کی وجہ ہتھیلیوں اور پیروں کے تلوؤں میں جلن کی شکایت رہتی ہے ،مٹھے کھانے سے ان کی یہ کیفیات دور ہو سکتی ہے۔
پیٹ کے السر میں کار آمد
یہ اپنی پی ایچ ویلیو کی بنا پر پیٹ کے السر میں آرا م دیتا ہے یہ اینٹی کارسینوجینک اور فاسد مادوں کے اخراج کی خواص کی بدولت آنتوں کے زخم کو جلدمند مل کرنے مدد فراہم کرتا ہے۔
گردوں کے امراض سے تحفظ
مٹھے کا باقاعدہ استعمال گردوں سے فاسدمادوں کے اخراج میں مدد کرتا ہے اس طرح یہ گردوں میں پتھری بننے کے عمل کی روک تھام کرتا ہے۔
بہتر دماغی صحت
اس میں موجود فلیونائیڈبڑھتی عمر میں ہونے والی بیماری جیسے الزائمر سے تحافظ دیتا ہے اور انسان جسم کے ساتھ ذہنی طور بھی صحت مند رہتا ہے۔
قوت مدافعت بڑھائے
انیٹی آکسیڈینٹ سے بھر پور ہونے کی بناپر جسم کی قوت مدافعت بڑھا تا ہے اس طرح انسان کئی بیماریوں سے بچا رہتا ہے۔
جلد اور بالوں کی رونق بحال کرے
اگر آپ اس موسم میں جلد اور بالوں کو صحت مند اور چمکدار رکھنے کے خواہش مند ہیں تو اسے روز اپنی غذا میں شامل کریں کیو نکہ اس میں موجود کئی اہم وٹامنز اور منرلز جلد اور بالوں کے لئے بے انتہا مفید ہیں۔
صحت مند مسوڑھے
وٹامن سی کی کمی جہاں کئی بیماریوں کی وجہ بنتی ہے اسی میں اسکروی بھی شامل ہے ،یہ ایک ایسی بیماری جس میں مسوڑھوں میں سوجن ،ہونٹ پھٹنے اور فلو کی شکایت رہتی ہے، مٹھے کا باقاعدہ استعمال نہ صرف اس بیماری کی روک تھام کرتا ہے بلکہ یہ آپ کی دن بھر کی تجویز کردہ وٹامن سی کی مقدار کو بھی ساٹھ فیصد تک مکمل کر تا ہے ۔
