دہشت گردوں کی جانب سے فوجی قافلے پر فائرنگ کی گئی جس کے نتیجے میں پاک فوج کے 2 جوان شہید ہوگئے۔
پاک فوج کے شعبہ تعلقات عامہ ( آئی ایس پی آر ) کے مطابق پشاور کے حسن خیل میں دہشت گردوں نے فوجی قافلے پر حملہ کیا جس پر دونوں اطراف سے فائرنگ کا تبادلہ ہوا، پاک فوج نے دہشت گردوں کی فائرنگ کا بھرپور جواب دیا ۔
آئی ایس پی آر کا کہنا ہے کہ فائرنگ کے تبادلے میں لانس نائیک محمد پنہ اور 36 سالہ سپاہی شمس اللہ شہید ہوگئے جبکہ سیکویرٹی فورسز کی کارروائی میں 3 دہشت گرد ہلاک بھی ہوئے۔
پاک فوج کے ترجمان کے مطابق ہلاک دہشت گردوں سے اسلحہ اور گولہ بارود بھی برآمد ہوا ہے جبکہ مارے گئے سیکیورٹی فورسزز پر حملوں میں ملوث تھے۔
آئی ایس پی آر کا مزید کہنا ہے کہ علاقے میں ممکنہ دہشت گردوں کو ختم کرنے کیلئے کلئیرنس آپریشن جاری ہے، سیکیورٹی فورسز ملک بھر سے دہشت گردی کی لعنت کو ختم کرنے کے لئے پرعزم ہیں۔
