ترجمان جمعیت علمائے اسلام (جے یو آئی) اسلم غوری نے کہا ہے کہ سائفر کاپی غائب کئے جانے کے معاملات کی تحقیقات کرائی جائیں۔
تفصیلات کے مطابق ترجمان جمعیت علمائے اسلام (جے یو آئی) نے اپنے بیان میں کہا کہ پتا لگایا جائے کہ اور کون کون سے اہم قومی راز غائب کئے گئے ہیں۔
ان کا کہنا تھا کہ سی پیک منصوبے کے اہم دستاویزات امریکہ کے حوالے کئے گئے، واحد مسلمان ایٹمی طاقت کے حامل ملک کے منصب پر ایک نااہل اور ذہنی مریض کو مسلط کرنا ملک کے ساتھ بہت بڑا ظلم تھا۔
انہوں نے کہا کہ نیازی کے ساتھ ساتھ اس کے ساتھیوں کا احتساب بھی ضروری ہے، ایک نااہل شخص کی ضمانت کے لئے چھٹی کے دن عدالتیں کھولنے کی منطق سمجھ سے بالا ہے؟
اسلم غوری نے کہا کہ اس طرح انصاف کے شعبے میں دہرے معیار محسوس کئے جاتے ہیں، عام آدمی عدالتوں سے بدظن ہو گا۔
