پاکستان تحریک انصاف کے چیئرمین عمران خان نے کہا کہ آج پاکستان ایک فیصلہ کن موڑ پر کھڑا ہوا ہے۔
تفصیلات کے مطابق سابق وزیراعظم اور چیئرمین پی ٹی آئی عمران خان نے علماء و مشائخ کنونشن سے خطاب کرتے ہوئے کہا کہ معیشت تباہ ہوگئی، بےروزگاری بڑھ رہی ہے۔
عمران خان نے کہا کہ یہ حکومت عوام کی خدمت کیلئے نہیں اپنی چوری بچانے کیلئے حکومت میں آئے ہیں، ان کے دور میں 400 ڈرون حملے ہوئے لیکن امریکہ کے خلاف انکے منہ سے ایک لفظ نہیں نکلا۔
انہوں نے کہا کہ 60 فیصد کابینہ کرپشن کیسز میں ضمانت پر ہے اور اب جھوٹ بول کر باہر بھاگنے والے کا منشی آگیا ہے جس کی لندن میں اربوں کی پراپرٹیزہیں اور 3 مرتبہ وزیراعظم رہنے والے کے پاس کوئی ایک رسید نہیں ہے۔
انہوں نے مزید کہا کہ اسحاق ڈار ڈیل کر کے واپس آرہا ہےاور ایک مفرور آج ملک کا وزیر خزانہ بن رہا ہے ۔
چیئرمین پی ٹی آئی نے کہا کہ مفرور مجرم باہر سے بیٹھ کر پاکستان کے فیصلے کررہا ہے۔
مغرب میں کوئی تصور نہیں کرسکتا کہ ایک مفرور مجرم باہر بیٹھ کر اس ملک کے فیصلے کرے اور اب اسکا منشی جو وزیراعظم کے جہاز پر بیٹھ کر بھاگا تھا آج ملک کا وزیر خزانہ بننے جا رہا ہے۔ چیئرمین عمران خان pic.twitter.com/H8F0Ky1dsc
— PTI (@PTIofficial) September 27, 2022
ان کا کہنا تھا کہ فضل الرحمان 30 سال سےسیاست میں ہیں لیکن کیا کبھی انہوں نےعالمی فورمزپرکبھی اسلام کی بات کی؟ ان کے ضمیر کی قیمت ڈیزل کا پرمٹ ہے۔
فضل الرحمان جس کی قیمت ایک ڈیزل کا پرمٹ ہو اسے دیکھ کر کون اسلام کے قریب آ سکتا ہے؟ آج تک اس نے باہر جاکر کتنی اسلام کے لیے آواز بلند کی؟ چیئرمین عمران خان pic.twitter.com/NchnJWJfSA
— PTI (@PTIofficial) September 27, 2022
انہوں نے کہا کہ 400 ڈرون حملے انسانی حقوق کی خلاف ورزی تھی جس کےخلاف پی ٹی آئی نے آواز اٹھائی تھی۔
انہوں نے بتایا کہ مجھے اندرونی و بیرونی سازش کر کے ہٹایا گیا لیکن آزادی پلیٹ میں رکھ کرنہیں ملتی، اس کے لئے جدوجہد کرنی پڑتی ہے۔
عمران خان نے کہا کہ ریاست مدینہ کی بنیاد ہی عدل و انصاف پر رکھی گئی تھی، جس معاشرے میں قانون کی بالادستی نہ ہو وہ جانوروں کے معاشرے جیسا ہے۔
ان کا کہنا تھا کہ ظلم کا نظام تباہی جبکہ انصاف کا نظام خوشحالی لاتا ہے، آج مسلمان ممالک کی نسبت مغربی معاشرے عدل و انصاف اور انسانیت کی فلاح میں ہم سے بہت آگے ہیں۔
