فوٹو اور ویڈیو شیئرنگ ایپ انسٹا گرام صارفین کے لئے زبردست فیچر متعارف ہونے جا رہا ہے۔
غیر ملکی میڈیا رپورٹس کے مطابق انسٹاگرام نے ایک نئے فیچر کی آزمائش شروع کی ہے جس کے تحت صارفین کسی بھی پوسٹ کو ری پوسٹ کرسکیں گے، انسٹاگرام کے بعض صارفین کو اس فیچر تک رسائی دی گئی ہے۔
نئے فیچر کے تحت صارفین کی تمام پوسٹس کو دوسرے صارفین شیئر نہیں کر سکیں گے جبکہ ممکنہ طور پر صارف کو یہ اختیار بھی دیا جائے گا کہ وہ اپنی پوسٹ کو دوسرے لوگوں کی جانب سے شیئر کرنے کے لیے کھلا رکھے یا نہ رکھے۔
ابتدائی طور پر ہر صارف کی محدود پوسٹس کو شیئر یا ری پوسٹ کرنے کا آپشن دیا جائے گا جس کے بعد اسے سب کیلئے عام کر دیا جائے گا۔
واضح رہے کہ مذکورہ فیچر ابھی ابتدائی مراحل میں ہے اور فی الحال امریکا سمیت دیگر ممالک کے محدود صارفین کو دستیاب ہے تاہم جلد ہی اس کی آزمائش کو بڑھایا جائے گا۔
