ملک بھر میں بارشوں اور سیلاب کے باعث ہلاکتوں کی تعداد 11 سو سے تجاوز کرگئی ہے۔
تفصیلات کے مطابق نیشنل ڈیزاسٹر مینجمنٹ اتھارٹی (این ڈی ایم اے) کی جانب سے سیلاب اور بارشوں کے نقصان سے متعلق رپورٹ جاری کردی گئی ہے۔
1136 افراد جاں بحق
این ڈی ایم اے کا کہنا ہے کہ ملک بھر میں بارشوں اور سیلاب سے مزید 75افراد جاں بحق ہوگئے ہیں جس کے بعد اب تک مرنے والوں کی تعداد 1136 ہوچکی ہے۔
این ڈی ایم اے نے بتایا کہ بلوچستان میں بارشوں اور سیلاب سے 244، سندھ میں 402، پنجاب میں 168، کے پی کے میں 258، آزاد کشمیر میں 41 اور گلگت بلتستان میں 22 افراد جاں حق ہوچکے ہیں۔
ایک ہزار سے زائد زخمی
این ڈی ایم اے کا کہنا ہے کہ ملک بھر میں بارشوں اور سیلاب سے ایک ہزار 634 افراد زخمی ہوچکے ہیں۔
10 لاکھ سے زائد مکانات تباہ
این ڈی ایم اے کے مطابق بارش اور سیلاب سے 10لاکھ 51ہزار570 مکانات کو مکمل اور جزوی نقصان پہنچا۔
این ڈی ایم اے نے بتایا کہ بلوچستان میں ایک ہزارکلومیٹر شاہراہیں متاثر، 18پلوں کو نقصان پہنچا ہے جبکہ سندھ میں 2ہزار328کلو میٹر شاہراہیں، بلوچستان میں ایک ہزارکلومیٹر شاہراہیں ، پنجاب میں 121کلومیٹر اورخیبر پختونخوا میں 6اعشاریہ کلومیٹر سٹرکیں متاثر ہوئی ہیں۔
7 لاکھ سے زائد مویشی ہلاک
ملک بھر میں بارش اور سیلاب سے 7لاکھ 35ہزار 375مویشی ہلاک ہوچکے ہیں۔
