اس وقت پہلی ترجیح ریسکیو اور ریلیف آپریشن ہے، احسن اقبال

وفاقی وزیر منصوبہ بندی و ترقی اور وفاقی فلڈ ریلیف کمیٹی کے چئرمین احسن اقبال نے کہا ہے کہ اس وقت پہلی ترجیح ریسکیو اور ریلیف آپریشن ہے۔

تفصیلات کے مطابق وفاقی وزیر منصوبہ بندی و ترقی اور وفاقی فلڈ ریلیف کمیٹی کے چئرمین احسن اقبال نے وزارت خارجہ کو ہدایت کی ہے کہ اوورسیز پاکستانیوں کی سیلاب فنڈ میں عطیات جمع کروانے کے لئے راہنمائی کریں۔

انہوں نے کہا کہ تمام مشن اپنی ویب سائیٹ پہ معلومات فراہم کریں، کمیونٹی سے ملکر سیلاب ذدگان کی مدد کے لئے بھرپور مہم شروع کی جائے۔

 وفاقی وزیر احسن اقبال کا کہنا تھا کہ موسمیاتی تبدیلی کی اس آفت سے پوری قوم ملکر نبٹے گی، وفاقی حکومت مسلح افواج کیساتھ ملکر صوبائی حکومتوں کی بھرپور مدد کر رہی ہے۔

انہوں نے کہا کہ قوم نے2005 اور 2010 کی آفات کا بھی بہادری سے مقابلہ کیا تھا اس وقت بھی پہلی ترجیح ریسکیو اور ریلیف آپریشن ہے۔

انہوں نے مزید کہا کہ سیلابی پانی اترنے کے بعد عوام کی دوبارہ آبادکاری کے لئے بھرپور مدد کی جائے گی۔

یہ بھی پڑھیں: ملک بھر میں بارشوں اور سیلاب سے تباہی، 937 افراد جاں بحق، لاکھوں مکانات بہہ گئے